Bu günün rəqabətli mühitində şirkətlərin əksəriyyəti idarəetmə və səmərəlilik baxımından effektiv olmaq üçün ən azı IT işlərinin bir hissəsini autsors edirlər. Əvvəlcədən öz xərclərini yaxşı bildiklərinə görə bu iş kiçik şirkətlər üçün çox sərfəlidir. Digər tərəfdən böyük şirkətlər də öz resurslarını strateji işlərinə sərf edərək bu xidmətdən səmərəli istifadə edə bilərlər.

Heç kəsə sirr deyil ki, müasir dövrdə informasiya və onun təhlükəsizliyinin qorunması şirkət və müəssisələrin fəaliyyətinin az qala ən prioritet istiqamətinə çevrilmişdir. Belə ki, böyüklüyündən və ya kiçikliyindən asılı olmayaraq şirkətlərdə informasiya itkisi və oğurlanma halları sonda həmin müəssisənin rəqabət qabiliyyətinin azalmasına, hətta iflasa uğramasına belə səbəb ola bilər.

Burada ən yaxşı yol şirkətin informasiya təhlükəsizliyinin qurulmasının və idarə olunmasının bu sahədə ixtisaslaşmış, hər biri öz sahəsində peşəkar olan əməkdaşların toplanmış olduğu kənar İT şirkətlərin köməyinə müraciət edilməsidir.

Şirkətlərin iş saatlarından və iş prinsiplərindən asılı olaraq OUR Technology şirkəti onlara bir neçə istiqamətdə texniki dəstək xidmət paketləri təklif edə bilir.